Fræðsla fyrir skólahópa
Fjölbreytt viðfangsefni við allra hæfi
Unnið er að því að útbúa fræðsludagskrá fyrir leikskóla og grunnskóla. Áhugasömum er bent á að hafa samband við safnið á netfangið laekningaminjasafn@seltjarnarnes.is eða í síma 595 9100.
Lækningaminjasafnið tekur á móti skólahópum á öllum skólastigum. Heimsóknir skólahópa í safnið eru ókeypis. Þrjú fræðsluverkefni fyrir öll þrjú stig grunnskólans eru í vinnslu og verða fljótlega aðgengileg. Þemu verkefnanna eru ræktun og söfnun plantna og gerð lyfja, leyndarmál Nesstofu og heilsa og hollusta í dag og fyrir 250 árum.
Markmið safnsins með skólafræðslunni
- Safnið bjóði upp á fræðsluverkefni fyrir öll skólastig
-
Verkefni hafi tengsl við námskrá og styðji við þau kennslumarkmið sem þar eru sett fram
-
Hverju verkefni fylgi kennslugögn sem nýtist kennurum við að undirbúa heimsóknina í tengslum við námsskrá
-
Nemendur vinni saman í hópum að lausn verkefna sem stuðla að samvinnu og samræðu þeirra á milli
-
Verkefnin örvi ályktunarhæfni og sköpunarkrafti nemendanna
-
Nemendur kynnist sögunni á forsendum þess sem þeir þegar þekkja
- Verkefnin er eingöngu hægt að vinna á safninu enda snúast þau um gripi safnsins, fornleifar í Nesi eða umlykjandi náttúruna
-
Tímaásinn verður nýttur í öllum verkefnum
-
Samstarf við skóla sé ræktað af kostgæfni